|
 Մի տարուց ավելի է, ինչ բազում հոգեթով ու բարի մարդիկ, թե ակնարկներով, թե ուղղակի, թե մամուլում եւ թե իրենց գեղեցիկ միտինգների ժամանակ կրկնում են, որ արվեստագետների, ստեղծագործողների մեծ մասը ծախված է։ Այժմ կրկին, հատուկ ցույցեր են կազմակերպում՝ նույն բանն ասելու համար…
Մենք դիմում ենք ՄԻԱՅՆ ԱՅՆ ԲԱՐԻ ՄԱՐԴԿԱՆՑ, ովքեր միանշանակ համոզված եւ հավատացած են որ իշխանությունները մեզ առել են, միայն նրանց. Եթե դուք, սիրառատ բարի մարդիկ, հարյուր տոկոսով ՀԱՎԱՏԱՑԱԾ ԵՔ, որ մենք ծախված ենք (կամ, ինչպես ասում եք՝ մեզ առել են)՝ կնշանակի քիչ փող չեն տվել, եթե առել են։ Այդ դեպքում (ձեզ շատ սիրելու պատճառով), առաջարկում ենք, ավելի շուտ՝ մաղթում ենք «ԹՈՂ ՅՈՒՐԱՔԱՆՉՅՈՒՐԻՆ ՏՐՎԻ ԻՐ ՀԱՎԱՏԻ ՉԱՓՈՎ» տարբերակը… Կրկնում ենք, սա արվում է լոկ ձեզ շատ սիրելու պատճառով…
Ուրեմն, շատ սիրելինենր ջան.
եթե մեզ առել են, այսինքն մեծ գումար են տվել, ուրեմն մենք հոգով եւ սրտով ցանկանում ենք. թող ձեր պատկերացրած գումարից ամեն մի ցենտ՝ մի տարով երկարացնի ձեր ծնողների կյանքը. իսկ եթե մեզ չեն առել, այսինքն ոչ մի ցենտ չեն տվել, ուրեմն… շատ ենք ցավում ձեր ծնողների համար… |
